Orriak

2016(e)ko maiatzaren 17(a), asteartea

Orduñan. Asteartea. Meeting point berriro!. 2016-05-17.

GMT ordua: 12:20-12:59
Non: Orduñan.
Aparkalekuan hondino nengoela hiru parapentero heldu dira. Ni baino arinago ibili direnez aireratze gunera heldu naizenerako prest zeuden hegaz egiteko. Hiruetako bat monitorea zen eta beste bat ikaslea. Neuk lasaitasunez hartu dut dena prestatzea; aparkalekutik aireratze gunerainoko aldapak ehota uzten baitnau.
Han nengoela delta hegalzale batzuk agertu dira. Haien artean Fran ezagutu dut. Ni bezala dagoela esan dit; jubilatuta dagoela alegia! Inbidiagarria hartu duen erabakia; gutxi gastatu eta bizitzaz gehiago gozatu! Bejondeiola!! Aspaldiko Michel be ezagutu dut eta kurtso bukaeraren gaineko elkarrizketatxoa izan dugu.
Agurrak eta desio onak partekatuta abiatu naz irteteko.
Zelako traketsa ibili naizen!! Dedio!! Eta ez bakarrik parapentea altzatzean! GPS-a bateria barik! Enfin!
Hirugarrenean edo fundamentuz altzatu dut hegala eta nire buruari prometitu diot "campa" egin behar dudala.




Haizearen abiadura eta norabidea (Euskalmet-en arabera): 

GMT orduaAbiaduraNorabideaAbiadura max.Sigma AbSigma Nor.TenperaturaHezetasunaEuriaIrradiazioa

Aireratzea: N42° 57.695' W3° 01.467'. Goian esan bezala ez naiz fin ibili atzatzen, baina hirugarrenean, azkenean altzatu dut. 


Sentsazioa airean: Termikoa zegoen. Batzutan gora eta beste batzutan behera. Une batez pentsatu dut hegalaldi luzea izango nuela. Atera eta aireratze gunetik ezkerretara dauden haitz biluztuetara jo dut. Zeozer biratu dut eta alturatxoa hartu. Gero errepideko kurben gainean ere ibili naiz. Baina altuera handiena aireratze gunetik eskumatara dagoen labarrean lortu dut, errepideak bi kurba itxi egiten dituen bertikalean. Hori izan da dena; lekua altzatzeagatik eta Birgina aldera joateko ilusioaz (duela gutxi maiatzaren 13a izan da ta), berriro hasierako zonaldera jo dut; aireratze gunetik ezkerreko aldera. Hor nengoela ikusi dut zela iretetzen zen lehen delta hegala. Orduan labarretik separatu naiz pentsatuz erraz lortuko nuen berriro altuera behar izanez gero. Baina kia! ez nik ez delta hegala biok potu egin dugu. Altuera gero eta txikiagoa eta errepideko kurben gainean ibili naiz, arrakasta barik. Kortaren gainera be jo dut baina, han ez termikarik ez kiratsik; ezereza baino ez. Eta lurreratzera erabaki dut

Lurreratzea:  N42º 58.666W3º 1,0565. Eskolako kanpan, haizerik barik. Ondo lurreratu naiz, buruaz eta oinez; hau da, behar den moduan.

 Bildu dut dena; behean ez zegoen inor eta kotxia goian zegoenez autoestopa egitera joan naiz.
Tobalinako batek hartu nau, super majua tipoa. Gorbea igo nahi izatetik zetorren. Ez du lortu bideaz erratu delako. Bideak denetarako balio izan du: egunen batean biplaza bat egingo duela ..., Portugal leku interesgarria dela ezagutzeko ..., udaberriko espektakulua bizigarria dela ..., herri txikikoak ginela ta ..., benetan atsegina izan da gizon gaztea. Goian utzi nau eta elkarri hoberena opa diogu.



Altuera max.: 1160 m.

Igoera max.: 3,6 m/s 

Etxerako bidean San Kristobalen gelditu naiz; parapentea hartu eta areatzara joan naiz. Eta hor heman dut ordu erdi bat "campa" egiten. Zelako izerdiak!! Ene!!! karkar 

Egilea: ordua: iruzkinik ez:
Etiketak: ,

2016(e)ko maiatzaren 2(a), astelehena

Orduñan. Astelhena. Meeting point; batzuren artean Tolometet apparen egilearekin topatu naiz. 2016-05-02.

GMT ordua: 12:08-12:38
Non: Orduñan.
Goiz-goizean haizea, hemen kostan, ekialdetik zetorren eta Mikeloren aurreikuspenak esaten zuen Orduñan baita ekialdetik etorriko zela. Ba ... trepetak hartu eta Orduñarantz abiatu naiz. Lurreratze gunean ez zegoen inortxo, goiak 3 parapente ikusi ditut. Ez zeuden oso altu eta irudipena izan dut haizea haul zegoela.
Goiko aparkalekuan forroz forratu naiz eta aireratze gunera jo dut.
Goitik ikusten zen panorama hau zen. Gorbea gainak hondinogarren elurtuta.
Amildegira gerturatu naiz eta bailarako ardien zintzarrien hotsak entzuten ziren. Denak ematen zuen estreinatzear zegoela.


Prestatzen ari nintzen bitartean hiru parapenterotako batek lur hartu du goian. Elkar agurtu, bere informea eman eta elkarri zorte opa diogu.
Gasteiztarrak ziren parapenteroak eta goian lurreratu zenak kotxea bajatu behar zuen.



Haizearen abiadura eta norabidea (Euskalmet-en arabera): 

GMT orduaAbiaduraNorabideaAbiadura max.Sigma AbSigma Nor.TenperaturaHezetasunaEuriaIrradiazioa


Abiadura horiek ez dira izan han izan direnak; 25etik gora izan direla ez daukat inolako zalantzarik: Misterioak agian Antiguako Amarenak!
Laburpena: 
  

Aireratzea: N42° 57.695' W3° 01.467'. Haieza fin zebilen eta tarteka boladatan ere. Ez zeukan zer ikusirik Matxitxakon aurten egondakoekin. Plano bat bakarrik altzatzea erabaki dut eta argi izan dut haizearen alde korrika egin beharko nuela. Halan eta guztiz ere, lehenengoan ez dot kontrolatu hegala. Ohitura galduta holako haizetarako. Bigarrenean haizeak berak atzerago eraman du hegala eta hantxe ahulago zegoela, plano batetik helduta altzatu dut. Atera bezain pronto hasi naiz igotzen eta zeozer biratzen.

Google Earth-en ikusteko sakatu hemen. Deskargatuko da "kmz" motako fitxategi bat. Fitxategia zabalduz gero Google Earth-en ikusiko da 3 dimentsiotan hegalaldia.

Altuerak: 


Abiadurak:


Altuerak eta abiadurak:

Altuera max.: 1107 m.

Igoera max.: 3,8 m/s 

Hegalaldiaren datuak: Hemen.


Sentsazioa airean: Panorama osoko mendi-gain asko hondino zurituta zeuden. Beheko pagoetako osto berde berritxuak paisaiari ikutu inpresionista ematen zioten.
Tenperatura hotza zen. Eta haizea mugitua zegoen, termikoa, boladaka; edo behintzat hori izan da nire inpresioa. Larregi ohitu naiz kostaldeko haize laminarrera? karkar.
Altuera maximoa lortu dudanean Ruben-en begiratokira jo dut. Bidean goraberak izan ditut eta hango labarrera heldu arte ez dut altuera errekuperatu. Harritu nau begiratokian zegoen jende multzoa. Ez zait iruditu astelehen batean geundela.
Bueltako bidaian altuera galtzen joan naiz, aireratze-gune azpiko labarrera heldu arte. Hantxe "hazkatzen" jarri naz eta berriro hasierako altuera lortu dut. Jada hotzituta nengoela erabaki dut lurreratzea. 
Kotxea goian zengoen eta aireratze-gunea libre zegoen. Gaur egun ona izan da goian lurreratzen saiatzeko eta halan egin dut.


Lurreratzea:  N42° 57.695' W3° 01.467'. Hasi naiz aireratze-gunetik pasadak ematen eta kontrolatzen zenbat frenatu ahal nuen. Konfiantza hartzen joan naiz eta errotorra atzerago zegoela konprobatu dudanean saiatu naiz lurreratzen. Ondo egin dut, problema barik, baina hurrengoak oinak jarri behar ditut aulkia jarri beharrean.

 Parapentea poltzaratuta neukala agertu dira Martin (luter) eta Jesus (ez nuen ezagutzen). Nik Martin basamortuan zegoela uste nuen; azken berriaren arabera halan zen eta hori egiaztatu dit berak. Betiko moduen supersinpatikoa da. Komentatu dugu neguko iharduerak eta gero hasi dira prestaketak egiten.

 Horra hor Martin prestatzen hegala.



Martin aireratu denean hasi naiz bajatzen kotxeraren bila, baina lehenago eguneko azken begiradatxoa bota diot Orduñanko diapiro ederrari. Bidean

Aparkalekura bidean bi parapentero igotzen ziren. Bietako bat aurreratu da eta esanten dit, "zeu Fran zara, ezta?", ta nik "bai, nor zara ba?", "Gorka, Tolomet App-egilea". "Aiba!!!"
Hantxe bostekoak, irribarreak eta besarkadak!! Kar kar. Une batez beste parapenteroa, bide bazterrean eseritan zegoena, agurtzera gerturatu naiz eta berak "Ez, ez, Gorka dagoen lekuan besteok sobera gaude! karkar".
Agurtu gara, hegalaldi ona opa egin diet eta kotxera joan naiz.
A zer nobedade pila urteko lehen hegalaldian Orduñan! Orduña handia da beti!!

Egilea: ordua: iruzkinik ez:
Etiketak: , ,

2016(e)ko maiatzaren 1(a), igandea

Maiatzaren bata. Jaia ospatzeko arratsaldeko hegalalditxoa eta monumentua. Matxitxakon. 2016-05-01

GMT ordua: 14:41-15:17

Non: Matxitxakon.
Goizekoarekin nahikoa ez eta arratsaldean buelta. Bazkaldu, ama zoriondu eta eskertu, hegalak eman dizkidalako, eta ez siesta ez ezer; Matxitxakora berriro; sudurra freskatzeko berriro.




Haizearen abiadura eta norabidea (Euskalmet-en arabera): 

GMT orduaAbiaduraNorabideaAbiadura max.Sigma AbSigma Nor.TenperaturaHezetasunaEuriaIrradiazioa



Aireratzea: N43° 26.820' W2° 45.478'. Haizea suabea baina goizean baino ezuniformeago. Bolada batek desegin dit prestakuntza guztia eta ezkerreko planoa tolestuta geratu da. Hala eta guztiz ere eskumako planoa altzatuz jarri dot hegala goian. Labarretik oso gertu altzatu dut hegala eta benetan sentitu dut kilo gutxiago daukala aurrekoak baino; oso haize gutxirekin altzaten da.

Google Earth-en ikusteko sakatu hemen. Deskargatuko da "kmz" motako fitxategi bat. Fitxategia zabalduz gero Google Earth-en ikusiko da 3 dimentsiotan hegalaldia.

Altuerak: 




Abiadurak:




Altuerak eta abiadurak:





Altuera max.: 480 m.

Igoera max.: 2,5 m/s 

Hegalaldiaren datuak: Hemen.


Sentsazioa airean: Goizetik jada hotzituta nengoen eta arin nabaritu dut goiko hotza.
Boladak bortitzagoak izan dira goizekoak baino baina astzendentzia txikiagoa eta plafond-a (sabaia, karkar) baita ere.
Cumulus hodeien garapena txikiagoa zen, zapalduta agertzen ziren, ez goizeko asalore formakoak eta nabari dut astzendentzia eskasagoa izan dela.
Donienera joan naiz eta gero buelta, ordu erditxoa baino ez.
Lurreratzea kotxearen alboan egin dut, egia esan dotorea. Agian horregatik jarri didate monumentua. Lurreratu naiz justu jende zantarrek utzitako zerbeza- eta atun-lata zaharren momumentuan.


Lurreratzea: N43° 26.802' W2° 45.453'. Lurreratzea kotxearen alboan egin dut, egia esan ezin dotoreago. Agian horregatik jarri didate monumentua. Lurreratu naiz justu jende zantarrek utzitako zerbeza- eta atun-lata zaharren momumentuan.
Hain naiz umila, xaloa, non, inork begiratu ez didanean, monumentua deuseztatu eta zabor-poltza batera sartu baitut etxera ekartzeko. Espero dut inork ez dezala faltan nabari eta ez tematzeko berriro beste bat eraikitzen. 
Hala bedi!

Egilea: ordua: iruzkinik ez:
Etiketak:
Harpidetu honetara: Mezuak (Atom)