Matxitxako. Hazkatzen Sopelako estiloan. 2016-06-11

GMT ordua: 15:18-15:33

Non: Matxitxakon.
Goizean hodeitsua izan da. Arratsean ostarteak nagusi direla, Tolometean ikusi dut haizearen abiadura 20ren inguruan zegoela. Trepetak hartu ta Matxitxakora. Urruneko intxaurrak bezala hara heldu ta kasik-kasik haize "pattala".

Haizearen abiadura eta norabidea (Euskalmet-en arabera): 

GMT ordua

Abiadura

Norabidea

Abiadura max.

Sigma Ab

Sigma Nor.

Tenperatura

Hezetasuna

Euria

Irradiazioa

15:10	11,1	289	16,2	1,5	9	17,5	80	0,0	800
15:20	11,3	302	18,7	2,2	15	17,8	79	0,0	755
15:30	10,2	304	14,5	1,5	11	17,9	78	0,0	687

Laburpena:

Aireratzea: N43° 26.820' W2° 45.478'. Haizea oso suabea izan da. Lehenengo sailadian ez naiz atera sentitzen nuelako haizeak ez zidala eutsiko. Bigarrenean indar pixkat handiago zeukan baina, halan eta guztiz ere ahula. Pentsatu dut: " faroko bidean lurreratuko naiz ez banaiz igotzen katenariaren gainetik"  eta atera naiz.

Ibilbidea:

https://sites.google.com/site/hegalaldiak/fitxategiak/Hegalaldiak160611.kmz?attredirects=0&d=1

Google Earth-en ikusteko sakatu hemen. Deskargatuko da "kmz" motako fitxategi bat. Fitxategia zabalduz gero Google Earth-en ikusiko da 3 dimentsiotan hegalaldia.

Altuerak: 

Abiadurak:

Altuerak eta abiadurak:

Altuera max.: 220 m.

Igoera max.: 1 m/s 

Hegalaldiaren datuak: Hemen.

Sentsazioa airean: Sopelako estiloan hazkatzen ibili beharko nintzela argi izan dut hasieratik. Aireratze-gunetik eskumatara dauden eukaliptusen adaburuko hosto bat ere ez zen higitzen. Talaieru-etxepeko telekomunikazio-etxolarantz jo dut eta hantxe aritu naiz aurrera eta atzera, hazkatzen, zegoen haize apurrak irauten zuen bitartean. Baneukan pentsatuta non lurreratu; neguko suteak oteez"garbitu" duen ordokitxo batean, etxolaren aurrean eta eskumatara.

Lurreratzea: N43° 27.045' W2° 45.299'. Lurreratzea be Sopelan bezala, problema haundirik gabe. Pena izan da oteen enbor erre batuek hondino han irautea. Jada lurreratuta, parapentea atzerantz jausita, kordino batzuk nahastu dira enbor batzuetan. Baina minutu batean dena askatu dut.

Trapua bildu eta etxolaren atzeko aldera joan naiz, plegatzera. Gero kotxera; eta bidean parapentean hasi nintzeneko garaiak gogora etorri zaizkit; Sopelako arratsalde haiek ... itsasoko urgainean eguzki izpiz estalita eta gogoa pozez gainezka.